මාගේ පාසල් කාලය.. සිහිවෙනවානේ හැම විට.. (5 කොටස )

සුභ දවසක් වේවා පැමිණ සිටින සියලු ඇත්තන්ට!
ඔන්න අදත් කතාව පටන් ගමු..
ඔන්න 6න් පස්සේ වැටුනා 7-D පන්තියට. ටීච අමරා ටීච. හරි කරුණාවන්ත ටීච කෙනෙක්. ඇත්තටම කිවුවොත් 7 වසරේදී කියලා උන විශේෂ දෙයක් නෑ. ආ දෙයක් තියනවනේ. මං JP නැත්තං Junior Prefect කෙනෙක් උනානේ. එකත් ඉතින් ෆන් වැඩේ. කොහොම හරි 7න් 8-E පන්තියට වැටුනා.. අවාසනාවක මහත :( මට ටීච ගේ නම මතක නෑ නේ :'( සමාවෙන්න ඕනි ටීච! 8න් 9-F පන්තියට.teec ඇ සුදර්ශනී ටීච වගේ මතක. කොහොම හරි ටීචගේ හද හුරු කම මතකයි නම හරියට මතක නෑ. 9 වසරේදී උන දේවල් කියලත් ඉතින් විශේෂ දේවල් නෑ. ආ හැබැයි අපි සෙට් එක කරපු ගොන් වැඩ නම් මතකයි :p අපේ පන්තියට හරියටම පිටිපස්සේ ඒ කියන්නේ ජනේලෙන් බැලුවම පේන ගෙයක් තියනවා. අපි හිටියේ දෙවැනි තට්ටුවේ. කොල්ලුපිටියේ ඒ හරියේ කුලියට නිවාස වල ඉන්න විදේශ කාන්තාවෝ ගැන මේ උදවියට අමුතුවෙන් කියන්න ඕනි නෑ නොවැ :P උදේට ඉස්කෝලේ ඇවිත් නිකමට හරි ජනේලෙන් බැලුවොත් කුඩු වෙලා තියන බියර් බෝතල් ඇතුළු විවිධා කාර ජවනිකා බලාගන්න පුළුවන්.. හෝව් හෝව් කතාව වැරදි පාරකට යනවා..

තවත් 9 වසරේදී උන වැඩක් මතක් උනා.. අපිට විද්‍යාව කරේ ලස්සන කොට ටීච කෙනෙක්. හැබැයි සැරයි. ඒක නිසා කට්ටිය ටීච එක්ක ඔරොප්පුවෙන් හිටියේ. දවසක් අපේ එකෙක්ට ටීච මොකක් හරි වැරැද්දකට ගැහුවා. පහුවෙනිදා එනකොට කළු ලෑල්ලේ ඉතුරු වෙලා තිබ්බ ඉඩේ ( මොකද අපේ කළු ලෑල්ල උඩින් ලොකු white board එකක් හයි කරලා තිබ්බේ. ) ටිපෙක්ස් එකකින් "පුල්ලි සයන්ස්" කියලා ලියලා තිබ්බා. අවාසනාවේ වසර හත කියන්නේ ඕක දැක්කේ නැතා ටීච. බඩු බනිස්. පන්තියම ගුටි කාවා ඒ වැඩේට. ලිවුවේ කවුද කියලා හැමෝම දැනගෙනත් කවුරුත් කටක් ඇරියේ නෑ :)
ඔන්න 9 වසර ඉවර වෙලා 10-F පන්තියට වැටුනා. ඔන්න ඉතින් හා හා පුරා කියලා සුදු දිග කලිසම ඇඳගෙන ඉස්කෝලේ යන්න පටන් ගත්තා. පන්තිභාර ටීච තමයි දමයන්ති ටීච. ටීච හරි කොටයි. නැටුම් තමයි ඉගැන්නුවේ. කට මාර විදියට සැරයි. පන්ති බෙදද්දී අපිව ඒ පන්තියට වැටුනේ o/l වලට තෝරන් හිටපු විෂයන් එක්ක. කොහොම හරි සෙක්ෂන් එකේ ගන්නම දෙයක් නැති පන්තිය විදියට අපේ පන්තිය පත් උනා පලවෙනි මාස 3 ඇතුලත. ඒ ගැන අපි අදටත් ආඩම්බර වෙනවා :p අපි පන්තියේ වාඩි උනේ උසේ පිළිවෙලට. එක නිසා මං වැටුනේ අන්තිම පේලියට. මාත් එක්ක අන්තිම පේලි වල සංගමේට වැටුනා කොක්කා, ලාඩමා, රීප්පයා, භූතයා, සක්විති මෝලා ඇතුළු හෙන සෙනගක්. මොකක් හරි අන්ඩ පාල වැඩක් කරොත් අපි ටිකගෙන් තමයි මුලින්ම ප්‍රශ්න කරන්නේ :p අපේ තව දෙයක් තිබ්බා. අපිට ෆ්‍රී පීරියඩ් එකක් සෙට් උනොත් පසුපෙළ කණ්ඩායම ෂේප් එකේ පටන් ගන්නවා සින්දුවක්. මං ගිටාර් ගැහුවා බූතයා ඩ්‍රම්ස් ගැහුවා. කොහොම හරි ටික වෙලාවකින් මුළු සෙක්ෂන් එකම අපි කියන සින්දුවම කියනවා. කිසි කෑ ගැහීමක් නෑ ගානට ලස්සනට ආතල් එකේ සින්දු කියනවා. කොහොම උනත් ටීචස් ලට මාට්ටු උන වෙලාවට ආයිත් කරන්න එපා කියනවා ඇරෙන්න කවදාවත් නිය පිටින් ගහලා නෑ. මං ඉස්කෝලේ යන ජීවිතේ ගිය පට්ටම ට්‍රිප් එකේ ගියෙත් මේ පන්තියේ ඉන්නකොට තමයි. උඩවලවේ ගියේ. බස් එකක. මුළු පන්තියම ගියා. පට්ට ෆන්.
10න් වැටුනා 11-F පන්තියට. අර ගැන්සිය ම තමයි එකට. ඒ පන්තියෙත් සුපුරුදු ලෙස පිස්සු කෙල කෙල හිටියා. කොහොමින් කොහොම හරි 11 වසර අන්තිමටත් ආවා. කට්ටිය අමුතුවෙන් කියලා o/l වලට මහන්සි උනෙත් නෑ මං දන්නා තරමින් නම්. ඔන්න ඉතින් o/l විභාගෙත් ලිවුවා. ඒ 2008.ඒ ලියලා අනිත් පැත්ත බලන්න උනේ නෑ a/l ටියුෂන් ක්ලාස් පටන් ගත්තා. මම ගණිත විෂය ධාරාව තොර ගත්තේ පොඩි කාලේ ඉඳන් තිබ්බ ආසාවට. පන්ති යන්න පටන් ගත්තා බම්බලපිටියේ.
o/l ප්‍රතිපල ආවට පස්සේ ඉඳන් සිද්ද උන විස්තර ඊළඟ කොටසෙන් බලාපොරොත්තු වන්න. අදට කතාව ඉවරයි. සුභ දවසක්!