කැම්පස් විත්ති ( 2 වෙනි කොටස )

ආයුබෝවන්ඩ හැමෝන්ටම... ඔන්න ඉතින් අදත් කතාව කියන්නයි ලෑස්තිය. එහෙනම් ඔන්න ලැස්ති නේ. පටි තද කරගත්තා නම් කට්ටිය..
ඔන්න ඉතින් අදත් බොහොම අමාරුවෙන් 7ට විතර නැගිටලා ලෑස්තිවෙලා නිකමට වගේ වෙලාව බැලුවම 8යි. පට්ට කම්මැලි අප්පා. වෙලාවත් වැඩියි. ආයිත් විනාඩි 15ක් විතර ඇඳේ හාන්සියක් දාලා ඉඳලා ගියා කැම්පස් එක පැත්තේ. ඇත්තම කිවුවොත් අද ගියේ අපිට අදාළ module එකකටත් නෙමෙයි. ගෙදර ඉන්න කම්මැලි කමට ගියා ඒ පැත්තේ. ඔන්න ඉතින් ගියාම සුන්දරම දසුන කියන්නේ ඒ module එක අදාළ බැච් එකේ උන්ට වඩා වෙන බැච් වල උන්ගෙන් ලෙක්චර් හෝල් එක පිරිලා. අනේ සන්තෝසේ බැරුවා. නිකමට හරි අපිට අනිවාර්ය module එකක් නම් අපේ එකෙක් බෙහෙතකට වත් හොයා ගන්න වෙන්නේ නෑ :p කොහොමහරි 10.30 විතර වෙනකන් හිටියා

මාගේ පාසල් කාලය.. සිහිවෙනවානේ හැම විට.. (8 කොටස )

ආයුබෝවන්ඩ එහෙනම් හැමෝන්ටම.. කොහොමෙයි ඉතින් ජීවිතේ?? කැම්පස් විත්ති ( 1 වෙනි කොටස ) ට නොහිතපු විදියේ ප්‍රතිචාර ලැබුනා. එකේ දෙවැනි කොටසත් ලියන අදහසත් තියනවා. එත් වැඩ නොවැ අප්පා. එත් ඉස්කෝලේ කාලේ මතක් කරගන්න ආස නිසා අද මාගේ පාසල් කාලය කතාව කියවමු කට්ටිය. එහෙනම් පටාන් ගමු :)
එහෙනම් ඔන්න A/L පන්තියේ වැඩ කටයුතු එහෙම පටන් ගත්තා. 12 වසර ඉතින් සාන්ත දාන්තව ඉන්න එපයි. ඉතින් හොඳ ළමයා වගේ ඉස්සරහම පේලියේ තමයි වාඩි උනේ. සර් ලා කියන කියන ඒවාට හරක් වගේ ඔලුව වන වන ඔහේ හිටියා. ඔය අතරේ අපි හරක් වගේ උන්නට ඔටුවා ගින්දර වගේ වැඩ ටික කරන් ගියා. එක කියන්නම ඕනි. ඔය අතරේ මාත් එක්ක chemistry class එකේ සෙට් උන අයිවන් එහා පංතියේ. උක්කුන් Bio Science class එකේ. එක නිසා මං වැඩි හරියක් මගේ පන්තියේ ඉන්නවට වඩා ආවට පන්ති වල තමයි සැරි සැරුවේ. ඔය අතරේ සිද්ද උන මොකක් හරි කේස් එකක් නිසා අපේ පන්ති බාර මිරිහාන සර් ට ඉස්කෝලෙන් ට්‍රාන්සර් වෙන්න උනා.

කැම්පස් විත්ති ( 1 වෙනි කොටස )

ආයුබෝවන්ඩ නෝනාවරුනි මහත්වරුනි.. මං අද අලුත් කතාවක් පටන් ගන්නයි හදන්නේ.. "කැම්පස් විත්ති" අපේ කැම්පස් එකේ එදිනෙදා වෙන පිස්සු වැඩ ගැන තමයි මේ කතාව යන්නේ. ඊට කලින් යමක් කියන්න ඕනි. අද මට සතුටු දවසක්. මගේ blog එකට විසිටර්ස් ලා ගොඩාක් ප්‍රමාණයක් ඇවිත් තියනවා අද දවස ඇතුලත. ඒකට විශේෂ ස්තූතිය අපේ කෝරලේ වලවුවේ කෝරලේ මහත්තයාටත් මගේ හිත මිත්‍ර නේලංග ටත් හිමි වෙන්න ඕනි. තව කියන්න ඕනි. මගේ මේ වැඩේට ගොඩක් උදවු කරන අක්ක කෙනෙකුත් ඉන්නවා. ඒ අක්කන්දිටත් ගොඩක් ස්තූතියි.
හරි හරි ඒ කතා ඇති. දැන් ඉතින් කැම්පස් විත්ති පටාන් ගන්නයි හදන්නේ. මාගේ පාසල් කාලය කතා සෙට් එක වගේම තමයි මේකයි.

ඔන්න එහෙනම් අද 25.09.2013 දින අපේ කැම්පස් එකේ දෙවැනි කාර්තුව තේරෙන්න කිවුවොත් සෙමෙස්ටර් එක පටන් ගත්තා. එතනින් එහාට කියන්න කලින් අපේ ගැන්සිය ගැන කෙටි හැඳින්වීමක් කරන්නම්කො.

මම නොහොත් කුරුළු - බොහොම අහිංසක ජීවිතයක් ගත කරන, සද්දෙන් අඩු සංවර කටක් තියන ලජ්ජා බයට හැදිච්ච කොල්ලෙක්.

මාගේ පාසල් කාලය.. සිහිවෙනවානේ හැම විට.. (7 කොටස )

ආයුබෝවන් හැමෝන්ටම :)
කලින් කොටසට මාගේ පාසල් කාලය.. සිහිවෙනවානේ හැම විට.. (6 කොටස ) කට්ටියගේ ප්‍රතිචාර තරමක් හොඳ තත්වෙක තිබ්බා... ඔන්න එහෙනම් ඉතුරු ටික පටන් ගන්නම්කො :)

ඔන්න එහෙනම් ප්‍රතිපල ආවා. දැන් ඉතින් ප්‍රතිපල කියන්න ඉස්කෝලෙට යන්න එපයි. ඔන්න ඉතින් කට්ටිය සෙට් වෙලා සඳුදා දවසක ගියා ඉස්කෝලෙට. සෙට් එකේ හිටිය මීමා, මුට්ටියා, ඔටුවා ඇතුළු තවත් දෙතුන් දෙනෙක්ටම A 8 යි. අනිත් එක විවිධ විවිධ විෂයන් වලට විවිධ විවිධ ප්‍රතිපල. මුලින්ම ගියා වයිස් ප්‍රින්සිපල් සර්ව හම්බෙලා ප්‍රතිපල කියලා වැඳලා, ඊට පස්සේ ගියා පන්ති භාර ටීච වෙලා හිටපු දමයන්ති මිස් ව හම්බෙන්න. ටීචගේ අස් වල කඳුළු. මුළු සෙක්ෂන් එකේම නරකම පන්තිය වෙලා තිබ්බ අපේ පන්තිය, ටීචර්ස් ලා එන්න අකමැති උන අපේ පන්තිය තමයි සෙක්ෂන් එකේම හොඳම ප්‍රතිපල තියන පන්තිය. ඉතින් ටීචට සතුටු නැද්ද??

මාගේ පාසල් කාලය.. සිහිවෙනවානේ හැම විට.. (6 කොටස )

ආයුබෝවන්ඩ කිවුවා හැමෝන්ටම.. මේ ටිකේ ප්‍රතිචාර නම් අඩුයි.. මොකෝ දන්නේ නෑ.. මොකෝ කතාව කම්මැලි වේගෙන එනවද?? :O කමක් නෑ කතාවේ ඉතුරු ටික කියන්නම්කො..
මං කියාගෙන ආවනේ මං බම්බලපිටියේ පන්ති යන්න ගත්තා කියලා A/L වලට. ජනවාරි මුල්ම පන්ති පටන් ගත්තා. මට මතක හැටියට ජනවාරි 7. එදා තිබ්බේ Combined maths ක්ලාස් එක. දංගල්ල සර් ගේ, ශක්ති institute එකේ. දංගල්ල සර් ගැන ඉතින් කට්ටිය දන්නවා ඇති කියල මං හිතනවා. පට්ට මීටරයක්. හෙන ජොලි. කොහොම හරි පලවෙනි සති දෙකේ මං හිටියේ තනියම. පන්තියේ ළමයි 20ක් වගේ හිටියා. කොහොම හරි මට එකක් මතකයි. ඔතන හිටියා බම්බලපිටියේ සාන්තු වරයෙක්ගේ නමින් තියන ඉස්කෝලෙක කොල්ලෙක්. පලවෙනි දවසේ ඉන්ටවල් එක දුන්නම මූ මගේ ලඟට කිට්ටු කරා..
පොර- "හලෝ මචං.. මොකක්ද උඹේ නම. ඉස්කෝලේ එහම??"
මං_ "හලෝ මචං. මං කුරුළු.. මේක තමයි ඉස්කෝලේ"

මාගේ පාසල් කාලය.. සිහිවෙනවානේ හැම විට.. (5 කොටස )

සුභ දවසක් වේවා පැමිණ සිටින සියලු ඇත්තන්ට!
ඔන්න අදත් කතාව පටන් ගමු..
ඔන්න 6න් පස්සේ වැටුනා 7-D පන්තියට. ටීච අමරා ටීච. හරි කරුණාවන්ත ටීච කෙනෙක්. ඇත්තටම කිවුවොත් 7 වසරේදී කියලා උන විශේෂ දෙයක් නෑ. ආ දෙයක් තියනවනේ. මං JP නැත්තං Junior Prefect කෙනෙක් උනානේ. එකත් ඉතින් ෆන් වැඩේ. කොහොම හරි 7න් 8-E පන්තියට වැටුනා.. අවාසනාවක මහත :( මට ටීච ගේ නම මතක නෑ නේ :'( සමාවෙන්න ඕනි ටීච! 8න් 9-F පන්තියට.teec ඇ සුදර්ශනී ටීච වගේ මතක. කොහොම හරි ටීචගේ හද හුරු කම මතකයි නම හරියට මතක නෑ. 9 වසරේදී උන දේවල් කියලත් ඉතින් විශේෂ දේවල් නෑ. ආ හැබැයි අපි සෙට් එක කරපු ගොන් වැඩ නම් මතකයි :p අපේ පන්තියට හරියටම පිටිපස්සේ ඒ කියන්නේ ජනේලෙන් බැලුවම පේන ගෙයක් තියනවා. අපි හිටියේ දෙවැනි තට්ටුවේ. කොල්ලුපිටියේ ඒ හරියේ කුලියට නිවාස වල ඉන්න විදේශ කාන්තාවෝ ගැන මේ උදවියට අමුතුවෙන් කියන්න ඕනි නෑ නොවැ :P උදේට ඉස්කෝලේ ඇවිත් නිකමට හරි ජනේලෙන් බැලුවොත් කුඩු වෙලා තියන බියර් බෝතල් ඇතුළු විවිධා කාර ජවනිකා බලාගන්න පුළුවන්.. හෝව් හෝව් කතාව වැරදි පාරකට යනවා..

මාගේ පාසල් කාලය.. සිහිවෙනවානේ හැම විට.. (4 කොටස )

සුභ දවසක් වේවා පැමිණ සිටින සියලු දෙනාහට..
ඔන්න ඉතින් අදත් කතාව පටන් ගන්නයි ලෑස්තිය. වෙහෙසකර කලබලකාරී සති අන්තයකින් පස්සේ අද තමයි නිසහස් උනේ. විශ්‍යවිද්යාලයේ නිවාඩු නිසා ගෙදරට වෙලා ඉන්න අතරේ තමයි මේක මේ ලියන්න පටන් ගත්තේ :)

ඔන්න ඉතිං 5 වසරෙන් පස්සේ වැටුනා 6 වසරේ පංතියට. 6-E මොහොට්ටි ටීචගේ පංතියට. සෙක්ෂන් එකේ හිටිය සැරම ටීච කිවුවොත් හරි. ඔය කාලේ වෙනකොට තමයි ශිෂ්‍යත්වෙන් අපේ ඉස්කෝලෙට අලුත් ළමයි ආවේ. ඒ ආපු කට්ටිය අතරේ අඳුනන මූනකුත් තිබ්බා. මගේ මොන්ටිසෝරි කාලේ ඉඳන් හිටපු යාලුවා "මීමා" මෙන්න ඇවිත් අපේ ඉස්කෝලෙට. ඔය අතරේ තවත් අලුත් යාළුවො කිහිප දෙනෙක්ම හම්බුනා. කොහොම හරි 6 වසරේදී අන්තිම පේලියේ සෙට් එකේ මාත් එක්ක ලඟින්ම ආශ්‍රය කරේ නොයෙල්, කොක්කා කියන දෙන්නා තමයි ( hot dog උණු බල්ලා මෙතැන් පටන් නොයෙල් ලෙස හඳුන්වනු ලැබේ ) 6 වසරේ ඉතින් විශේෂ කියලා දෙයන් උනේ නෑ. කොහොම හරි මට මතකයි ශිෂ්‍යත්වෙන් අපේ ඉස්කෝලෙට ඇවිත් හිටියා කළු මහත පොරක්. උට පන්තියේ අය කිවුවේ "තෙල් බතා" කියලා. ඉතින් ඉන්ටවල් එකේ කාල ඉවර උන ගමන් අපේ වැඩේ උගේ පන්තියට ගිහින් තෙල් බතා කියලා කෑගහලා පන්තියට දුවලා එනවා :P අරූ ඉතින් ගල් රෝලක් වගේ හැටි හල හල අපේ පස්සෙන් පන්නගෙන එනවා :P 6 වසරේ උන මට මතක තියන එකම එක විශේෂ සිද්දිය වෙනියා මාරු කරලා අතේ මාට්ටු වෙච්ච සීන් එක. දෙවැනි වාර විභාගෙද කොහෙද.

EDEX Mid Year Expo 2013 ගැන මගේ වචනෙන්...

ආයුබෝවන්ඩ කිවුවා හැමෝන්ටම..
බොහොම වැඩ කටයුතු අධික සති අන්තයක නිමාව. ඊයෙයි (14.09.2013) අදයි (15.09.2013) විශ්‍යවිද්යාලය නියෝජනය කරමින් ශිෂ්‍ය උපදේශකයෙක් හැටියට " EDEX Mid Year Expo 2013 " ප්‍රදර්ශනයට සහභාගී වෙන්න උනා.
කොහේදෝ ගිය තොප්පියක් නිකන් වගේ ඔලුවට කඩන් වැටුන නිසා සිකුරාදා විභාගේ ඉවර වෙලා පැයක් විතර ප්‍රසර්ශනයේදී කියන්න ඕනි විස්තර ටික ගැන අහගත්තා. ඊයේ 8 ට විතර විශ්‍යවිද්යාලයට යනකොට වාහනේ පිටත් වෙලා. ඒ මදිවට ඔෆිස් එකේ කවුරුවතුත් නෑ. කොහොම හරි පරිෂණක විද්‍යා පීඨයම නියෝජනය කරන තව දෙන්නෙක් එක්ක 9 ට විතර ගියාප්‍රදර්ශන භූමියට. යනකොට පටන් ගත්තා විතරයි. කොහොම හරි උපදේශන වැඩ පටන් අරන් කරගෙන යද්දී මරු උදවියට තමයි උපදේශන දෙන්න උනේ..
* තව අවුරුදු දෙකකින් සාමාන්‍යපෙළ ට පෙනී සිටින ළමයින්ගේ දෙමවුපියන්ට
* උසස්පෙළට පෙනී හිටලා යන්නේ කොහෙද කියලා වැලේ වැල් නැතුව හිටපු අයට.
* තාම 8 9 වසරවල් වල ළමයින්ගේ දෙමවුපියන්ට

මාගේ පාසල් කාලය.. සිහිවෙනවානේ හැම විට.. (3 කොටස )

පැමිණ සිටින සියලු නෝනා මහත්තයලාගෙන් අවසරයි..
අදත් කතාව නවත්තපු තැන සිට ඉදිරියට යමු...

ඔන්න ඉතින් දෙක වසර ඉවර කරලා තුන වසරට පාස් උනා.. එතකොට මට මතක හැටියට නම් පිංටා වත් අන්නාසිම් වත් hot dog වත් හිටියේ නෑ... කොහොම හරි තුන වසර ගැන නම් එච්චර මතකයක් නම් නෑ මට.. හිටිය පන්තිය නම් 3-A ටීච විජේසිංහ කියලා ටීච කෙනෙක්. හරි හොඳ ටීච කෙනෙක් කියලා මතකයි. ආ තුන වසරේ උන තව එකක් තමයි මං මුලින්ම බාස්කට් බෝල් ගහන්න පටන් ගත්තේ තුනේදී තමයි :) කොහොම හරි පටන් අරන් මාසයක් යන්න කලින් මයික්‍රෝ ටීම් එකට සෙල්ලම් කරන්නත් පුළුවන් උනා :)

කොහොම හරි තුනෙන් හතරට පාස් උනා. මුලින්ම වැටුනේ 4-D පන්තියට. අනෝමා ටීචගේ පන්තියට. කොහොම හරි මට අලුත් යාළුවො ගොඩක් හම්බුනා ඒ පන්තියේදී. ආතල්ම වැඩේ කියන්නේ පන්තියට ගිය පලවෙනි දවසෙම ටීච මාව පන්ති නායකයා හැටියට පත් කරා. ආතල් එක නිමක් නෑ :P ආයිත් නෑ සියලු බලතල අනිසි ලෙස ප්‍රයෝජනයට ගන්න පෙළඹුනේ ඔය වයසේදී තමයි :P කොහොම හරි මට ඉස්කෝලෙන් අස් වෙනකන්ම හම්බුන ටීචස් ලාගෙන් මං ගොඩක් ගරු කරන මං ගොඩක් ආදරේ ටීච කෙනෙක් තමයි අනෝමා ටීච.

~~13.1 කොම්පීතර විද්‍යාව පැත්තෙන් ඇහෙන කතා~~ ප්‍රශ්න පත්තර (6 සහ අන්තිම කොටස)

ප්‍රශ්න පත්තර (6 සහ අන්තිම කොටස)
---------------------------------------------------
ඔන්න ඉතින් අදත් කතාව පටන් ගන්නයි යන්නේ... අමුතුවෙන් කියන්න දෙයක් නෑ.. අද දින (11.09.2013) තිබ්බ Formal Foundation පේපර් එක නම් මල් හතයි ගෙඩි දෙකයි. අර ධනූෂ මහත්තයා නම් දේවාලයක්. පලවෙනි ප්‍රශ්නේ සුපුරුදු ප්‍රශ්නයක්. දෙක තුන අට වෙනකන් එහෙම්මම තමයි. කොහෙද අටෙන් පහයි නේ කරන්න තිබ්බේ. හිත හදාගෙන ප්‍රශ්න ටිකක් අත අරින්න හැදුවත් හිත එකට ඉඩ දුන්නෙම නෑ. කරන්න තිබ්බ ඔක්කොම ටික කරා. කැමැත්තක් බලාගන්නේ නැතැයි කියලා.

~~13.1 කොම්පීතර විද්‍යාව පැත්තෙන් ඇහෙන කතා~~ ප්‍රශ්න පත්තර (5 කොටස)

ප්‍රශ්න පත්තර (5 කොටස)
-----------------------------------

නෝනාවරුනි මහත්වරුනි අද ( 11.09.2013 ) දින පැවති Foundation of Mathematics ප්‍රශ්න පත්තරය පිළිබඳව කතා කරන්නයි මං මේ වේදිකාවට නැග්ගේ.. මට පේනවා පැමිණ සිටින ජන ගඟ.. සෑහෙන්න පිරිසක් ඉන්න එක ගැන පළමුව සතුටු වන්ත වෙනවා..
අදත් සුපුරුදු පරිදි 8.30 ට විශ්‍යවිද්යාලයට ඇවිත් 8.57ට විභාග ශාලාවට ඇතුල් උනා. සියලු කටයුතු හමාර කර ප්‍රශ්න පත්තරය අතට ගෙන කතා කරගත් විදියට පැයෙන් ලියලා ඉවර කරනවා කියලා හිතාගෙන මුල ඉඳන් කියවනකොටම පෙරලුනේ නැතැයි බාල්දියක් :o අපි 13.1 නොවැ. මේ මොකක්ද ප්‍රශ්නපත්තරේ උඩ ගහලා තියෙන්නේ :o වෙන මොකක්ද මගුලක්... :/
ඇත්තවශයෙන්ම සහෝදර සහෝදරවරියනි අද තිබ්බ ප්‍රශ්න පත්තරේ ගැන කෙටියෙන්ම පවසනවා නම් මෙසේයි. "දන්නා ගණිතය නොදන්නා විදියට" :O අමුතු මුකුත් නෑ කලින්. එකම එක.. වැඩිය ඕවා ගැන කියන්න හොඳ නෑ අන්තිමට ඊළඟට තියන එක කෙල වුනොත් :P කොහොම හරි පලවෙනි ප්‍රශ්නේ කරන්න පැයක් ගියා. පැයෙන් කරන්න කතා උන එකත් පැය පහුවෙනකොට ඔලුව නවාගෙන. ඒක දැකලා යන්තන් හිත නිවුනා :p

මාගේ පාසල් කාලය.. සිහිවෙනවානේ හැම විට.. (2 කොටස )

ආයුබෝවන්ඩ කිවුවා හැමෝන්ටම!
කලින් නවත්තපු තැන ඉඳන් කතාව ඉස්සරහට :)

1999.02.26 තමයි මුලින්ම මං මගේ අලුත් ඉස්කෝලෙට ගිය දවස. පන්තියට ඇතුල් වෙන්න කලින් අම්මයි තාත්තයි එක්ක ගියා ප්‍රින්සිපල් සර් වැ හම්බෙන්න. හා හා පුරා කියලා ඉස්කෝලෙට අඩිය තිබ්බ ගමන් ඇහැට වැටුනේ ඉස්කෝලේ පිට්ටනියේ සුදු කලිසන් ඇඳලා අවුවේ දනගහගෙන ඉන්න අයියලා ටිකක්. නියමයි. ආතල් කෝටියයි. ඒ සුභ දර්ශනේ න් පස්සේ ගියා ප්‍රින්සිපල් සර් ව හම්බෙන්න. තාත්තාගේ හොඳ යාලුවෙක් වෙච්ච ප්‍රින්සිපල් සර් මාව දැක්ක ගමන් ඇහුවා
"මොකෝ පුතා... සනත් ජයසූරිය වෙන්නද කල්පනාව??"
හුටා.. කවුද ඒ?? මං ඉතිං බය වැඩි කමටම කට පියන් හිටියත් මට දැනගන්නම ඕනි උනා කව්ද ඒ කියලා. මං ඉතින් තාත්තට ඇඟිල්ලෙන් ඇන ඇන ඇහුවා කවුද ඒ කියලා..
"කුරුළු සනත් ජයසූරිය කියන්නේ ක්‍රිකටර් කෙනෙක්"
"එහෙනම් ඇයි අර සීයා ඇහුවේ මං එයා වෙන්න යනවද කියලා??"
"සීයා?? :O සීයා නෙමෙයි ප්‍රින්සිපල් සර්.. අහ සනත් ගේ අතෙත් ඔයාගේ අතේ වගේම පිරිත් නූල් බැඳලා තියනවා. එක නිසා වෙන්න ඇති" 

~~13.1 කොම්පීතර විද්‍යාව පැත්තෙන් ඇහෙන කතා~~ ප්‍රශ්න පත්තර (4 කොටස)

ප්‍රශ්න පත්තර (4 කොටස)
-----------------------------------

ඉතාම සංවේග ජනක මේ වගේ අවස්ථාවක මෙහෙම දෙයක් ලියම්දෝ කියා හිතුනා. කමක් නෑ අද (09.09.2013) පැවති Computer Architecture ප්‍රශ්න පත්තරය පිලිබඳ යමක් කියන්නම්..

කෙටියෙන් පවසමි මගේ ආදරියේ ඇත්ත වශයෙන්ම අද නම් කල් ඇතුවම (8.30 ට) ගියේ අද නම් දෙනවා දුවන්න කියලා හිතාගෙන. එත් ඒ වෙලාවේ වගේම ලැබුන ආරංචියෙන් හෝන්දු මාන්දු වී ගියෙමි. සිරාවට පොඩ්ඩක් වත් විශ්වාස කිරීමට නොහැකි එම ආරංචිය හිතේ තියාගෙන කෝකටත් කියලා කස්ටිය සමග විභාග ශාලාවට යාන්තං 8.55 ට යා ගත්තා. පැත්ත මාරු කරලා වාඩි කෙරෙවුව අද පේපරේ දැක්කම සඳ සිරාවටම මෝල් විය. ඒක නම් සිරාවටම අධිරාජ්‍යවාදී කුමන්ත්‍රනයක්ම විය. ඒ වෙලාවේ තමයි පේපර් එකේ සැකිල්ල කියපු එකා මතක් උනේ :/ මරුම වෙලාව කියන්නේ ඌ මට ඉස්සරහා! ආතල් කෝටියයි. සුපුරුදු පරිදි ගත්තා 1 ලියන්න. මේ මොන හරුපයක් ද මේ?? :O ඒක අත ඇරලා දෙක ගත්තා හදන්න. එක ගොඩ. තුනත් ගොඩ. පහත් ගොඩ. ආයිත් හතරත් යාන්තං ගොඩ.

මාගේ පාසල් කාලය.. සිහිවෙනවානේ හැම විට.. (1 කොටස )

ආයුබෝවන්ඩ පැමිණ සිටින සියලු දෙනා හට.. අද මං මෙතෙන්ට පැමිණියේ මාගේ ආතල් පාසල් කාලය ගැන වදන් පෙළක් පැවසීමටයි.. :)

ඉක්කොලේ යන්න කලින් අකුරු කියවලා ඉන්න එපයි.. මට අකුරු කියෙවුවෙ අපේ තාත්තා. මට නම් හරියට මතක නෑ. ඒත් මට අකුරු කියවද්දී ගත්ත ෆොටෝස් නම් මං දැක්කා. අපේ ගෙදරදීම තමයි මට අකුරු කියෙවුවේ..

කොහොම හරි මට අවුරුදු 3න් මාව මොට්ට සොරි යැවුවා. ඒ ගල්කිස්සේ පෞද්ගලික මොට්ටසෝරියකට.. අපරාදේ කියන්න බෑ මට මතක හැටියට නම් ඒක පංකාදු පහේ මොන්ටිසෝරියක්. අපේ අක්කා මට කලින් පන්තියේ හිටියේ. මං ඉතින් වැඩි හරියක් හිටියේ ඒ පන්තියේ තමයි. ඒ පන්ට්ඨියට වෙලා දවසෙම තොකලත් බික්කත් කකා ඉන්න තමයි මං කැමති. මගේ කෑම පෙට්ටිය ඉවර උනාම සේප් එකේ අක්කයි කෑම පෙට්ටියෙනුත් තොකලත් බික්කත් කෑවා. කොහොම හරි ඔහොම ඉන්නකොට තමයි හෙනහුරා කඩන පාත් උණේ. මං හරියට ඉන්න ඕනි පන්තියට අලුත් ටීච කෙනෙක් ඇවිත්. එදත් මං සුපුරුදු පරිදි අක්කයි පන්තියේ. අර හොල්මන ඇවිත් මාව පන්තියට ඇදන් ගියා. ඊට පහුවෙනිදා සිට මං මොට්ටසෝරි යාම වර්ජනය කරා. සතියක් ගියත් මං නම් බෑ ම තමයි ඒකට යන්න.

~~13.1 කොම්පීතර විද්‍යාව පැත්තෙන් ඇහෙන කතා~~ ප්‍රශ්න පත්තර (3 කොටස)

ප්‍රශ්න පත්තර (3 කොටස)

ආයුබෝවන්ඩ කිවුවා හැමෝන්ටම!!
අදත් මොකක් හරි ලියම්දෝ නොලියම්දෝ කියලා හිත හිත ඉන්න කොට ඕන මගුලක් කියලා ඔන්න ඔහේ ලියනවා.. පල ඇති රුකටලුනේ ගල් ගහන්නේ!
හරීම කරදර දවසක් අප්පා.. මෙලෝම රහක් නැති ලාචෝරු දවසක්.. දවස පටන් ගන්නකොට අම්බානට වහිනවා. එකටත් මොකක් හරි හේතුවක් ඇති කියලා ඔහේ ඇඳේ පෙරලි පෙරලි ඉන්නකොටයි මතක් උනේ හුටා අද විභාගේ නේද කියලා. "Algorithmic Problem Solving" නොහොත් "අල ලූණු පරිප්පු" අද. ෆෝන් එක on කරලා වෙලාව බැලුවා. ශෝක් 7.30යි. 9ට විභාගේ :/ පැයභාගෙන් ලේස්ති වෙලා නැග්ගා මගේ දඬු මොනරේට.. වැස්සේම විශ්‍යවිද්යාල පියස කරා පිය නැග්ගෙමි.. අහ පිය නැග්ගේ නෑ.. දඬුමොනරේ තමයි ගියේ..

~~13.1 කොම්පීතර විද්‍යාව පැත්තෙන් ඇහෙන කතා~~ ප්‍රශ්න පත්තර (2 කොටස)

ප්‍රශ්න පත්තර (2 කොටස)

-----------------------------------

සභාවෙන් අවසරයි... අදත් මා මෙතෙන්ට පැමිණියේ අද පැවති "Introduction to Computer Architecture" ප්‍රශ්න පත්තරය හා සම්බන්ද වදන් පෙළක් ඔබ හමුවේ තැබීමටයි..

ඇත්ත වශයෙන්ම පවසන කල්හි චමින්ද මහත්තයා දේවාලයකි.. ඒ ගැන කතා කර වැඩක් නැත! එච්චරට අති රමණීයයි..

සුපුරුදු පරිදි 8.45ට විශ්‍යවිද්යාල පරිශ්‍රයට පැමිණ 8.57 වෙනකන් ලොබියට වෙලා පච හල හල ඉඳලා හරියට 9 ට කස්ටිය සමග විභාග ශාලාවට යන ලදී.. කර යුතු සියලු මූලික කටයුතු අහවර වී ප්‍රශ්න පත්තරය ලැබුනි. දෙපැත්ත පෙරලා බැලුවෙමි. කෝ දෙපැත්තක් නෑනේ :O කමක් නෑ වැරදිලා කොළ දෙකකට ගහලා ඇති කියලා හිතලා අනිත් කොලේ දෙනකන් බලා ඉන්නා විට ඉස්සරහ සිටි උදවිය අම්බානට ලියනවා දුටිමි. හරි කමක් නෑ පහුවෙලා හරි දෙන්නැතැයි කියා හිත හදාගෙන මාත් ලියන්නට ගතිමි.. විනාඩි 45යි ප්‍රශ්න ඉවරයි :O

~~13.1 කොම්පීතර විද්‍යාව පැත්තෙන් ඇහෙන කතා~~ ප්‍රශ්න පත්තර (1 කොටස)

මේ දිනවල පැවත්ත්වෙන විශ්‍යවිද්යාලයේ අර්ධ වාර්ෂික විභාගයේ රස මුසු තැන් ඔබ වෙත

ප්‍රශ්න පත්තර (1 කොටස)

සභාවෙන් අවසරයි.. මම මෙතෙන්ට පැමිණියේ අද දින (02.08.2013) පැවති C language ප්‍රශ්න පත්තරය පිලිබඳ වචන ස්වල්පයක් කතා කිරීමටයි....
ඇත්ත වශයෙන්ම පවසන කල්හි වර්ෂාවෙන් උදා උන අද වගේ දවසක පැවති මහාම ශෝරචෝර ප්‍රශ්න පත්තරයක් ලෙස මට එය හැඳින්වීමට පුළුවන් (වර්ෂාවට හේතුව අපේ පන්තියේ එකෙක්ම තමයි :P )..
උදෑසන 9 ට විභාග ශාලාවට ඇතුල් වී නියමිත තැන අසුන් ගත් පසු උත්තර ලියන කොලය අතට ලැබුණි.. එහි අවශ්‍ය දේවල් එහි ලියා ඔලුව උස්සා බලන කල්හි ඉස්සරහා ඉන්න උන් අම්බානට මොනවදෝ ලියනවා දුටිමි.. නමයි අංකෙයි ලියන්න ඔච්චර වෙලා යනවාදැයි සිත සිත රබර් ඇස වටේ දමන විට දුටුවේ පිටිපස්සේ එකා අම්බානට පන දමාගෙන ප්‍රශ්න වලට උත්තර ලියන්නට දගලන බවයි... හුටා කෝ මට ප්‍රශ්න පත්තරයක්... :O නැගිටලා සද්දයක් දාන්න හදනවාත් සමගම නිකමට එහා පැත්ත බැලුවම මේ තියෙන්නේ දිලිසි දිලිසි ප්‍රශ්න පත්තරේ...

මං මේ දවස් වල මොකෝ කරන්නේ?

සුභ දවසක් කිවුවා.. මං ඉතින් කලින් මං ගැන කිවුවා නොවැ.. 

මේකත් ඉතින් මං ගැනම තමයි :P 

මං හෝඩිය පොත කියෙවුවෙ තාත්තා එක්ක.. මොන්ටිසෝරි ගියේ ගල්කිස්සේ ප්‍රසිද්ධ පෞද්ගලික පෙරපාසලකට.. එක වසර ගෙදර ළඟ ඉස්කෝලෙට.. දෙක වසරේදී ටීච හොරෙන් කෑවට බැන්න නිසා කොල්ලුපිටියේ ප්‍රසිද්ධ ජාතික පාසලට මාරු උනා.. ඊට පස්සේ මගේ දෙවැනි ගෙදර උනේ එහෙ තමයි.. 

අධ්‍යාපන සුදුසු කම් කිවුවොත් තිබ්බ ඔක්කොම විභාග උඩින්ම පාස්..

මේ දවස් වල ඉතින් පෞද්ගලික විශ්‍යවිද්යාලයක පරිඝනක විද්‍යාව පිලිබඳ උපාධිය හදාරනවා.. ඒ එක්කම උසස්පෙළ ප්‍රතිපල වලින් රජයේ විශ්‍යවිද්යාලයටත් ඉල්ලුම් පත් දාලයි තියෙන්නේ..

අදට මගේ කතාව ඇති නේ.. එහෙනම් සුභ දවසක්!

#කුරුළු 

මං කවුද? කවුද මේ කුරුළු?

ආයුබෝවන්ඩ කිවුවා ඉතින් පැමිණ සිටින හැමෝන්ටම..

ඔන්න ඉතින් මගේ කතාව මං පටන් ගන්නම්කො.. ඔක්කොටම කලින් නම් කියන්නම්කො මං කවුද කින්ද මන්ද කියලා

1. නම- කුරුළු 
2. පදිංචිය- ලංකාවේ

ඒ හො